Doni ditinjstva (for my sisters)

Koliko je godin pasalo

otkad smo skupa stole

mislile smo da nikad nieće pruoć to vrime

kad smo bile mole...

Zlotno lita ditinjstva

zime juga, divje bure

pune igre puste ure

srce je spriemilo u se.

I zatvorilo škure.

I onda,

kad završile su se skule,

i mi se razošle po svitu,

i jo i ti smo odnile sobon

tie done u ditinjstva cvitu.

I sad, o Bože,

nakon voliko godin

čovik se u vrimenu izgubi

a ne bi smi,

i kako vrime prolazi

meni se čini

da smo bile baš ono če jesmo,

da smo živile život

a nismo

se somo pravile da ga živemo...

Imale smo sve

ča srce je snilo

nismo razbijale glovu

za nin čega ni bilo.

Sad se ne vidimo baš čiesto 

kilometri nan dilidu misto,

ali ono ča nas vezije

uvik je ostalo isto.

I dokle guod san živa

to ću nosit sobon

i neka san vako daleko

tuol san, sa tobon. 

                                                    19. veljace 2013.