Himna materi

Jedna je mater.

Ča od jutra

Do sutra

Misli no te.

I jesi čo ji

I ča si obuko

I kako grie skula

Na je tuol

I kad je ne vidiš

I kad misliš da si som.

I kad ti je tieško,

Nojteže, 

Ni ni njuon puno lagje.

A tek kad i soma

Postaneš mater,

Pomalo svaćoš

Koliko je truda 

Uložila u te.

I koliko suz'

I buorbe

I odriconjo!

I cili život tako!

Ne somo 

Dok smo bili moli...

Za toliku jubov

Niećemo se nikad

Moć zafolit.