Kal zagrmi

Kako je čovik moli

kal grmi i lampo.

Biži u kuću,

prpa ga ćapo.

A no kal gruom udre

                                  ni mu drogo čut                              

nojradije bi uteko

materi pol skut.

Troži zaštitu

kroj drogih judi

krsti se i moli

Bože napomoć mi budi.

A svitlo, kal zaporo nebon

i osvitli ko da je don

Popravit ću se, bidan čovik moli

odma sutra, grišan san, znon.

E ako uz to udrije i pljusak

(ča zno bit i u srid lita)

ćapoje  se za glovu

računo da je duošo  kroj svita.

Tukalo bi da grmi svaki don

da ne bi bidan čovik zaboravi

ko mu je vi život do

da ga na Zemji proboravi.

Tukalo bi da pravedno žive.

Da ne gazi pute krive.

Da zno, da ne mora dobit sve če mu se svidi.

Da odogne nopost kal duojde prid oči.

Jer Oni gori sve vidi.

E, e,  Oni če viedri  i obloči....

/04. 08. 2012., by Milena Covic

Haven of Split, December 2013.